…у інтэнцыі
ўзнагароды”
Абяцанне Маці Божай
Фацімскай
Ясны паток
святла з неба паказвае нам набажэнства першых суботаў у Божай перспектыве. Што
мы ў ёй заўважаем? У Фаціме Найсвяцейшая Маці назвала гэта набажэнства “Святой
узнагараджальнай Камуніяй”.
У яго цэнтры
– Эўхарыстыя! Марыя кажа нам, што першасуботняе набажэнства дасягае сваёй
вяршыні ў Святой Камуніі. З яе “вышыні” распрасціраюцца новыя краявіды. Інакш
выглядаюць іншыя элементы набажэнства: наш ружанец і разважанне, нават
папярэджваючая іх споведзь. Інакш выглядае ўсё людское жыццё. Варта туды
З чаго
пачаць? Пойдзем назад на паўтара стагоддзя, каб даведацца пра візію аднаго
святога. “У Касцёле наступіць хаос. Не будзе ў ім супакою пакуль Папа не
замацуе лодкі Пятра да двух падобных стаўпоў эўхарыстычнай пабожнасці і
набажэнстве да Найсвяцейшай Маці”. Так у 1862 г. прарочыў пра нашу эпоху св. Ян
Боска. Падумаем хвілінку: гэтыя два вельмі блізкія стаўпы кажуць пра адну форму
пабожнасці, на якую ўказала само неба. Ці ж гэта не набажэнства першых суботаў
месяца? Ці гэта не ў ім ва ўсёй поўні сустракаецца пабожнасць эўхарыстычная і
марыйная? Калі так, то завацаванне Касцёла да ўзгаданых стаўпоў ні што іншае,
як здзяйсненне мары Яна Паўла ІІ: зацвяджэнне першасуботняга набажэнства.
Набажэнства першых суботаў адначасова марыйнае і эўхарыстычнае. Але – увага! –
гэты эўхарыстычны элемент павінен быць “Святой узнагараджальнай Камуніяй”!
Умовы
сапраўднай узнагараджальнай інтэнцыі:
-
Прыступаючы да споведзі, маліся, каб дзякуючы паяднанню з Богам ты мог заслужыць
еднасць з Эўхарыстычным Езусам. Няхай мэтай споведзі будзе перш за ўсё
падрыхтоўка да Святой узнагараджальнай Камуніі.
- Будзе
добра, калі перад прыняццем Святой Камуніі ты памолішся на ружанцы, просячы
Найсвяцейшую Маці, каб Яна адкрыла тваё сэрца на прыняцце свайго Сына.
- Потым
памаліся першую малітву Анёла з Фацімы. Кажы яе так доўга, пакуль тваё сэрца не
атаясаміцца з кожным словам гэтай малітвы:
О Божа мой, веру ў Цябе, праслаўляю Цябе, давяраю Табе і
люблю Цябе. Прашу ў Цябе прабачэння за тых, што не вераць у Цябе, не
праслаўляюць Цябе, не давяраюць Табе і не любяць Цябе.
- Рыхтуючыся
да прыняцця Святой Камуніі, а лепш адразу пасля яе прыняцця, прачытай малітву,
якую Анёл прадыктаваў фацімскім дзецям: Найсвяцейшая Тройца,
Айцец, Сын і Дух Святы, у найглыбейшай пакоры аддаю Табе
пашану і ахвярую Табе Найдаражэйшыя Цела і Кроў, Душу і Боскасць Езуса Хрыста,
прысутнага на алтарах усяго свету як узнагароду за знявагі, святатацтвы і
абыякавасць, якія Яго зневажаюць. Праз бясконцыя заслугі Яго Найсвяцейшага
Сэрца і Беззаганнага Сэрца Марыі прашу Цябе аб ласцы навяртання бедных
грэшнікаў.
- Пасля
прыняцця Святой Камуніі прачытай гэту або іншую малітву:
Сёння звяртаюся да Цябе, мая нябесная Маці, каб
узнагародзіць Табе за
ўсе знявагі Твайго Беззаганнага Сэрца. Так шмат людзей выказвае
Табе абыякавасць, холад,
няўдзячнасць, а нават адштурхоўваючую
варожасць. Так шмат людзей
супраціўляецца Твайму прывілею ласкі.
Так шмат людзей абражае Цябе і Твайго Боскага Сына свім грэшным жыццём. Гэтыя акты ігнаравання і
несправядлівасці напаўняюць Тваё Сэрца
горыччу і раняць Яго як вострыя церні. О, калі б, аддаючы Табе пашану і выказваючы яшчэ
большую любоў, я мог
выправіць усё тыя крыўды, што Табе зрабілі і
працягваюць рабіць праз
незразуменне, абыякавасць і злосць! У сваёй абмежаванасці і слабасці я
сам са сваімі здольнасцямі нічога не
магу, але магу гэта ўчыніць
праз Твайго Боскага Сына. Паглядзі,
вось у святой Камуніі я
прыняў да свайго сэрца Адзінароднага Сына Спрадвечнага Айца і Сына народжанага з Твайго ўлоння! Ён пасяліўся
ўва мне і цалкам мне аддаўся. У Ім і з Ім усхваляю Цябе, ушаноўваю і
праслаўляю, а таксама
складаю Яго ў
Тваім параненым Сэрцы, каб суцешыць яго і зрабіць шчаслівым. Гэты паток любові, які выліваецца з Яго Боскага Сэрца, няхай увальецца ў
Тваё Сэрца. Няхай цалкам напоўніць Цябе
і адорыць радасцю, дазваляючы забыцца
пра ўсю несправядлівасць з боку людзей. Гэтае Боскае Сэрца няхай станецца для
Цябе ўзнагародай, актам ушанавання і аддання, і невычарпальнай крыніцай суцяшэння. Амэн.
