ДАЛУЧЫСЯ ДА КРУЦЫЯТЫ АДНОЙ ІНТЭНЦЫІ!
Да сённяшняга дня няма
паўсюднага адказу на другую частку просьбы Марыі, ў якой ідзе гаворка аб
узнагародзе ў першыя суботы месяца. Таму гэта найлепшы час, каб аб’яднаць сілы
і разам адказаць на заклік Марыі, а таксама будзіць сэрцы нашых бліжніх.
У духу любові да Маці
Божай, усведамляючы, што мы прысвяцілі сябе Беззаганнаму Сэрцу Марыі, Фацімскі
Сакратарыят запрашае ўсіх далучыцца да малітоўнага штурму: Круцыяты Адной Інтэнцыі.
Які змест Інтэнцыі? “Каб Марыя была больш вядомая і ўлюбёная; каб свет пазнаў і выканаў Яе заклік з Фацімы”.
Якая мэта Круцыяты Адной Інтэнцыі? Аб’яднаць увесь свет пры Беззаганным Сэрцы Марыі ў першыя суботы месяца.
Што я магу
зрабіць дзеля гэтай мэты? Брат і Сястра, прагнучы далучыцца да гэтай
духоўнай справы, зрабі ў любы час і ў любым месцы, у гэтай канкрэтнай інтэнцыі
якое-небудзь дабро. Далучы да гэтай інтэнцыі сваю малітву, пакуту, пост,
утаймаванне, учынкі міласэрнасці, а таксама ахвяру з таго, што нясе
штодзённасць.
Памятай! Калі мы вымалім
гэтую ласку для сябе і для іншых, тады мы зменім ход нашай гісторыі, уратуем ад
згубы цэлыя народы, душы ад пекла, а свет ад войнаў. Паспрыяйма надыходу
трыюмфу Беззаганнага Сэрца Марыі!
