Круцыята – гэта ініцыятыва,
якая мае свае карані ў клопаце аб развіцці і паглыбленні фацімскай духоўнасці.
Гаворка не ідзе пра тое, каб распаўсюджваць чарговыя формы марыйнай пабожнасці,
але аб выкананні абавязкаў якія вынікаюць з акту прысвячэння Беззаганнаму Сэрцу
Марыі, аб тым, каб быць не пасіўным, а актыўным удзельнікам Паслання. А гэта адбываецца тады, калі, напрыклад, мы
практыкуем набажэнства першых суботаў месяца.
У Фаціме Маці Божая
паказала нам Сваё Беззаганнае Сэрца, просячы аб суцяшэнні, паказваючы шлях
паратунку для грэшнікаў, умову супакою ў свеце, а таксама прадказваючы трыюмф
Свайго Беззаганнага Сэрца. Яна таксама адзначыла, што абяцанне будзе выканана,
калі людзі выканаюць Яе жаданні. Даражэнькія: як жа шмат залежыць ад кожнага з
нас!
Круцыята Адной
інтэнцыі – гэта запрашэнне да любой – што датычыцца месца, часу і формы –
малітвы, ахвяры ці пакуты, але заўсёды ў гэтай адной дакладнай IНТЭНЦЫІ. A таму, як дзеці Марыі, з’яднаймася ў супольным клопаце, робячы тое, што для
нас магчыма, і клічма да Бога ў гэтай адной IНТЭНЦЫІ. Ахвяруй, учыні, зрабі якое-небудзь духоўнае дабро – тое, што будзе для
Цябе ў даным месцы і моманце магчыма, узбуджаючы гэтую адну дакладную IНТЭНЦЫЮ.
Дарагія, Брат і
Сястра, не пытайцеся ці гэта трэба
рабіць кожнага дня, раз у тыдзень, а можа раз у месяц. Гаворка не ідзе пра
колькасць, не з’яўляецца важным месца або дзень тыдня – гаворка ідзе пра тое,
каб сэрцам рабіць тое, што для цябе ў даны час магчыма, хаця б тое маленькае
зярнятка дабра раз у год, але з думкай менавіта пра гэтую ІНТЭНЦЫЮ, якую сфармуляваў сам Езус, пра што казала Маці Божая ў
Фаціме.
Памятай! Калі мы вымалім гэтую ласку для
сябе і для іншых, мы зменім ход нашай гісторыі, уратуем цэлыя народы ад згубы,
душы ад пекла, а свет ад войнаў. Паспрыяйма надыходу трыюмфу Беззаганнага Сэрца
Марыі!
